ما عادش في داعي تنزل أو تستنى المحصل.. دلوقتي تقدر تسجل قراءة عداد الغاز وتدفع الفاتورة بكل سهولة من موبايلك، بخطوات بسيطة ووسائل كتير وفرتها شركات الغاز الطبيعي لتسهيل حياة المواطنين وتوفير وقتهم.
إزاي تدفع فاتورة الغاز وإنت في مكانك؟
الاختيارات قدّامك كتير، وكلها إلكترونية:
🔸 موقع "ماي فوري" أو تطبيق Fawry
ادخل على رابط الدفع، سجل بياناتك، وسدد في أقل من دقيقة.
🔸 تطبيق جوميا باي Jumia Pay
حمّل التطبيق، اختار "فواتير الغاز"، سجل رقم المشترك، واختر وسيلة الدفع اللي تناسبك.
🔸 الموقع الرسمي لشركة بتروتريد
ادخل رقم حسابك، وسدد بالفيزا أو من خلال المحفظة الإلكترونية.
طيب لو عندك محفظة إلكترونية؟
تقدر تدفع من خلال:
فودافون كاش
أورانج موني
اتصالات كاش
WE Pay
فون كاش (البنك الأهلي)
BM Wallet (بنك مصر)
ولو حابب تدفع كاش؟
اتجه لأقرب محل فيه ماكينة دفع إلكتروني من الشركات دي:
فوري
أمان
خدماتي
مصاري
ممكن
BEE
ضامن
E-finance
بس هتحتاج رقم المشترك، وتحدد عدد الفواتير، وتستلم الإيصال في الحال.
كمان تقدر تدفع من البريد المصري
كل اللي عليك تتوجه لأي مكتب بريد، وتقدم رقم الحساب، وتدفع الفاتورة وتاخد الإيصال.
نصيحة مهمة:
سجل قراءة العداد كل شهر علشان تتفادى التقدير الجزافي وتضمن دقة الفاتورة.
