مع ارتفاع أسعار البنزين والسولار، بقى التوجه للسيارات الكهربائية مش رفاهية، بل خيار ذكي واقتصادي. وعلشان تبدأ صح، محتاج تعرف إزاي ترخص عربيتك الكهربائية بسهولة في 2025.
ليه الناس بتتجه للكهرباء؟
عربيات الكهرباء بتوفر في البنزين، في الصيانة، وفي استهلاك الطاقة.. ده غير إنها صديقة للبيئة وعمرها الافتراضي أطول.
طيب نبدأ منين؟
🔹 شروط ترخيص السيارة الكهربائية:
تأمين إجباري سنة أو 3 سنين
شنطة إسعافات ومثلث عاكس
دفع الضرائب والرسوم
بصمة شاسيه ومحرك
فحص فني شامل لعناصر الأمان
🔹 رسوم الترخيص الأساسية:
ختم تنمية: 10 قروش
ختم جودة: 3 جنيهات
تطوير اللوحات: 115 جنيه
تأمين لوحات معدنية: 100 جنيه
الملصق الإلكتروني: 75 جنيه
إصدار الرخصة: 20 جنيه
🔹 مستندات وأوراق مطلوبة:
رسوم استخدام اللوحات: 40 جنيه
صندوق تحسين المرور: حتى 50 جنيه
الفحص الفني: حتى 200 جنيه
طابع الشهيد: 5 جنيه
رسم استخدام الراديو: 104 جنيه
نماذج وختم شرطة: من 7 إلى 20 جنيه
نصيحة:
لو بتفكر في عربية جديدة، خليها كهرباء.. مش بس أوفر، لكن كمان أسهل في الترخيص والدعم الحكومي بيزيد كل سنة.
