شن الإعلامي عمرو أديب، هجومًا حادًا على الدكتور توفيق عكاشة، عضو مجلس النواب، بسبب هجومه على الأجهزة السيادية في الدولة قائلًا: "كفاية بقى الهبل والعته اللي إحنا عايشين فيه ده، الواحد دماغة باظت".

وأضاف أديب، خلال برنامجه "القاهرة اليوم"، على قناة "اليوم": "رئيس برلمان إيه اللي إنت عايز تترشحله، وأنت بتتمول من جهة أجنبية، في ناس مسجونة هنا في قضايا زي دي، ويقول أنا معايا دكتوراه، دكتوراه إيه وأنت مبتعرفش تتكلم كلمتين إنجليزي على بعض".

وتابع "ده إنت يوم ما اتسجنت اتسجنت في قضية نفقة قعدت يومين بس في السجن، أي عيل في 6 أبريل برقبتك".