أعلنت إحدى شركات السياحة المصرية عن رحلات فضاء حول كوكب الأرض والقمر بتصريح من وكالة الفضاء الأمريكية ناسا.

وكتبت الشركة على موقعها الاليكتروني إعلان جاء فيه احجز الآن رحلة الفضاء حول كوكب الأرض و القمر ٤ أيام ٣ ليالي بسعر٧٥٠ ألف جنيه للفرد و السفر يوم ٨ يوليو ٢٠١٦و العرض شامل الطيران و الإقامة في أمريكا قبل السفر بسته أيام للتدريب و التأهيل و شامل جميع الوجبات و المشروبات بالإضافة تأشيرة الولايات المتحدة و تصريح ناسا للسفر الترفيهي.

الطريف في الأمر أن الشركة أعلنت أن سعر الرحلة يمكن تقسيطه عن طريق البنوك المصرية وبالطبع لم تسلم الشركة من تعليقات المصريين الساخرة واللاذعة على عرض الشركة وتكلفتها المرتفعة.

وكتب على توفيق للشركة تعليقا - إما يبقى معانا فلوس نعيش ع اﻻرض نبقى نفكر نطلع الفضاء.. ناس عندها وقت فضاء ... صحيح- وكتبت ناهد إسلام - يا إخواننا مفيش حد سأل عن الوزن؟؟ يعنى برضه 2 شنطة 23 كيلو زى مصر للطيران ولا الوزن مفتوح عشان في الفضاء مفيش جاذبية و وزن كدة ولا ايه؟؟- وكتب سيد تهامي - هو الصاروخ هيطلع منين ..من قدام جامع الفتح ولا من التحرير - 

وسخر آخر -هو السعر شامل الوجبات وإكرامية سواق المكوك ومسموح بالوزن لغاية كام علشان ناوي احمل معايا شوية نيازك و مقلق من تعريفة الجمارك الجديدة- وأضاف أخر - أنا مستعد ادفع المبلغ ده بس مترجعوش المدام وحماتي و تسبوهم في زحل.