أعرب نادر نور الدين، خبير المياه الدولي، عن استيائه من عدم توافر بعض السلع بالجمعيات التعاونية على الرغم من تواجدها بقائمة الأسعار.
وقال «نور الدين»، عبر صفحته الشخصية بموقع التواصل الإجتماعي""فيس بوك"، الخميس: "هذا هو خالد حنفي!! ذهبت إلى الجمعية التعاونية بشارع هارون بالدقي وصورت الأسعار الممتازة المرفقة ودخلت أشتري وريني يا ابني الأرز أبو أربعة جنيهات ونصف، مش موجود!! طيب وريني الأوراك أم ١٧ جنيها، برضه مش موجودة يا أفندم !، طيب هات صدور الفراخ أم ٤٧ جنيها ده سعر ممتاز لأنه عند بتوع الفراخ ٦٠ جنيها، للأسف مش موجودة!، يا ابني أنا سألتك عن ثلاث حاجات قلتلي مش موجودة إيه الحكاية؟! والله يا أفندم إحنا جالنا اتصال من الوزارة أمس علشان نعلن عن الأسعار دي ونلغي القديمة بدون وجود بضاعة لا عندنا ولا في الوزارة نفسها واللي يسألنا نقول قريبا إن شاء الله!! أقسم بالله على دقة الحوار!!".
