قرر المستشار ياسر التلاوى المحامى العام الأول لنيابات جنوب الجيزة الكلية، إحالة عاطل متهم بقتل مقاول فى الهرم، ووضع جثته فى الكلور بالبانيو، إلى محكمة الجنايات، بعد انتهاء التحقيقات وورود كافة التقارير من مصلحة الطب الشرعى والأدلة الجنائية.
وانتهت التحقيقات التى باشرها طارق جودة وكيل أول نيابة حوادث جنوب الجيزة، والتى استمرت على مدار شهر ونصف، إلى ارتكاب المتهم الجريمة، وتضمن أمر إحالة المتهم إلى محكمة الجنايات اتهامه بالقتل العمد مع سبق الإصرار والترصد.
وقال المتهم "محمد. ا" 25 سنة عاطل فى تحقيقات النيابة العامة التى أجريت برئاسة المستشار أحمد ناجى رئيس نيابة حوادث جنوب الجيزة الكلية، إنه يقطن بذات العقار الذى يمتلكه المجنى عليه، ويعلم بثرائه، حيث إنه مقاول ويمتلك عدة عقارات ويحتفظ بخزينة أموال بشقته، ونظرا لأنه يمر بضائقة مالية فكر المتهم فى سرقته، وذكر المتهم: "الحالة ضنك، وأبويا رمانى أنا وأختى من صغرنا لحد ما اتحبس وخد حكم مؤبد فى قضية مخدرات، وأنا اشتغلت فى كذا شغلانة، واتمرمطت من هنا لهنا، لحد ما اترفدت من آخر شغلانة ومبتقش لاقى أصرف على أمى وأختى".
وشرح المتهم قائلا : "أعرف أن الراجل صاحب البيت ده عنده فلوس كتير شايلها فى خزنة فى شقته، قررت أسرقه، وفكرت إنى لو سرقته هو عارفنى وهيفضحنى، فقررت إنى أقتله عشان ميفضحنيش، وجهزت سكينة وأنا عارف إنه بينزل يصلى الفجر، فاستنيته أمام باب الشقة بس مخرجش، فانتظرته حوالى 3 ساعات لحد ما خرج، وأول ما فتح باب الشقة غرست السكينة فى صدره، وضربته بعدها بطعنات فى وجهه ورقبته، وجرجرت جثته لحد الحمام.
وأضاف: كان همى ألاقى أى فلوس، دخلت على الخزنة، مقدرتش أفتحها، وملقتش أى فلوس، سرقت تليفونين ومفاتيح الشقة، وحملت الجثة وحطتها فى بانيو الحمام ومليته عليها وسكبت كلور، وخرجت من الشقة نزلت شقتى وغيرت هدومى الملوثة بالدماء وهربت عند واحد صاحبى".
واستكمل: تانى يوم رجعت لقيت الشرطة موجودة، فخفت حد يكشفنى، والتليفونات قديمة ومش هتتباع بمبلغ جيد، فقمت بربطها ومفاتيح الشقة بقالب طوب ورميتهم فى ترعة المريوطية لحد ما الشرطة قبضت عليا بعد ما عثرت على ملابسى الملوثة بدماء القتيل فى شقتى".
وكانت كشفت أجهزة الأمن بالجيزة غموض العثور على مقاول مذبوحا وملقى داخل "بانيو" داخل شقته بمنطقة الهرم، حيث تبين أن جاره وراء ارتكاب الجريمة بغرض السرقة.
