عاجل

غضب شديد بين المواطنين بسبب ارتفاع أسعار كروت الشحن

يشعر المواطنون المصريون دائما انهم مستهدفون من قبل الحكومة الحالية بسبب اعتمادها سياسة الصدمات المتلاحقة في رفع الاسعار لمختلف السلع والخدمات، فبعد الوقود والخضروات اللحوم والاسماك والمواصلات، تعرض المصريون فجر اليوم الجمعة لصدمة جديدة برفع اسعار كروت الشحن، ليظلوا يتساءلون: إلي متي يظل هذا الوضع المأسوي؟

 

يقول منير علي: "شعرت بصدمة حينما سمعت هذا الخبر.. نرجع زي الاول وبلاش تليفونات خالص.. هنعمل ايه بس.. هنقضيها منين ولا منين.. مفيش حد حاسس بينا.. وكل يوم ارتفاع في كذا وكذا.. خلاص زهقنا والله والواحد معدش مستحمل.. كفايا كده والله حرام".

 

ويضيف المهندس محمد يونس ان "الامر اصبح عادي خالص مهو كل يوم ارتفاعات في الاسعار.. ومفيش جديد.. ومفيش امل.. مفيش حاجه تسعد الناس.. الناس وكأنها في عالم آخر.. وكل مسئول يقول للناس اصبروا اصبروا.. الناس معدتشي مستحملة نفسها من كتر الضغوط اللي عليها.. ومش شايفين حاجه قدمهم بتتعمل .ياريت نلاقي حاجه ملموسة بعد سنة ولا سنتين واحنا نصبر.. لكن الله اعلم بعد كام سنة الوضع هيتحسن".

 

من جانبه، يقول الشاب ابراهيم عبدالجليل: "ربنا يتولانا.. هنعمل ايه بس.. ما باليد حيله.. كل حبه نصبر نفسنا ونقول هتفرج هتفرج.. لكن الله اعلم متي هتفرج..المشكلة إني الناس متخوفة من إرتفاع أي حاجة تانية في الأيام القادمة.. وبالتالي الطبقة الكادحة هتضرر اكتر وربنا يكون في عونهم.. فرجاء من المسئولين.. حسوا بالناس دية.. اشعروا بالناس دي.. فعلا والله الطبقة الكادحة دية كتر خيرها.. صابرين ومستحملين علشان البلد دي.. فكفاية كده".