اعرب طلاب جامعة كفر الشيخ المقيمين بمركز ومدينة الحامول،عن استيائهم الشديد في ظل معاناتهم المستمرة بسبب سوء حالة وسائل النقل والمواصلات بين مدينتي الحامول وكفر الشيخ، مؤكدين أن هذه المعاناة ممتدة منذ سنوات.
ونائد الطلبة، الحكومة بتوفير وسيلة مواصلات مناسبة للذهاب إلي الجامعة.
في البداية يقول الطالب، محمد فؤاد: "طالبنا جميع المسئولين بتوفير اتوبيسات لتوصلينا إلي الجامعة، ولكن لا حياة لمن تنادي، متعجبا: "هل المنظر اللي بنشوفوا كل يوم ده يرضي حد ،كل يوم بنطلع بدري قبل الميعاد بساعتين علشان نروح ونلحق المحاضرات، ولكن للأسف الزحمة اللي كل يوم علي الموقف دية هي اللي بتأخرنا .. واحنا رايحين واحنا جايين، لذا نطالب المسئولين بتوفير مواصلة لتخفف من حدة الزحمة اللي احنا شايفنها كل يوم، وربنا يتولي بينا.
ومن جانبه، نائد الطالب حمادة علي، المسئولين: "ييجوا يشوفوا الموقف كل يوم كده، هل هيكونوا راضين بالوضع ده، مضيفا: "مش بنطالب المسئولين فقط .. نطالب كل واحد محب للبلد، ورجال الأعمال وأعضاء مجلس النواب، التدخل لحل هذه الموضوع، لأن المنظر ده بيسئ لنا كلنا.
وتضيف الطالبة رحمة محمد: "مفيش جديد، ناس كتير اتكلمت في الموضوع، بس احنا مش لاقيين خطوات جديدة تجاه هذا الأمر، ونأمل في القريب العاجل إيجاد حل لهذا الموضوع، لأن شكلنا كل يوم بالمنظر ده كطلبة جامعة غير لائق جدا بينا كطلبة، والسائقين يستغلون الوضع".
