آمال كبيرة يعلقها أبناء محافظة كفر الشيخ على زيارة الرئيس عبد الفتاح السيسى غدًا السبت، للمحافظة، لافتتاح أكبر مزرعة سمكية فى الشرق الأوسط فى بركة غليون، وعدد من المشروعات التنموية فى المحافظة، وذلك بعد عشرات الأعوام من تجاهل تنمية وتطوير المحافظة رغم كونها من أكثر المحافظات ثراءً بالموارد الطبيعية والبشرية.

واستطلع "آخر الأنباء" رأى عدد من أبناء المحافظة، حول أهم المطالب التى يريدون تنفيذها بالتزامن مع زيارة السيسى وكانوا يتمنون تنفيها قبل افتتاح المزرعة السمكية.

يقول السيد عبدالفتاح، شئ جميل أن تهتم الدولة بالمحافظات التي تهتم بالزراعة والصناعة والتجارة، لكن  أي دولة تريد أن تنمو وأن تتطور لن يتم ذلك إلا من خلال الآهتمام بهذه الأشياء، أنا سعيد جدا أن رأينا مشروعات مثل هذه في كفر الشيخ.

وتابع: المحافظات اللي زي كفر الشيخ ،يجب اللي الدولة تهتم بها ،هي المحافظات دية هي قاطرة التنمية لو الدولة نظرت اليها وعملت فيها مشاريع بالشكل ده.

فيما أكد  المهندس زكريا فتحي ،من زمان واحنا بنطالب المسئولين انهم يعملوا مشاريع في كفر الشيخ،كفر الشيخ محافظة غنية جدا وفيها خيرات كتيره جدا بس محتاجه حد يهتم بها ،فيها كل مقومات النجاح ،بس للأسف الناس خدوا فكرة عن المحافظات دية فكرة سيئة للغاية، خدوا فكره إن فيها نسبة أمية عالية، فيها فقر ، فيها جهل، ولم ينظروا الي الأشياء الايجابية فيها، وده اللي مأخرنا كمصريين في كل حاجة، وهانفضل كده لو احنا طريقة تفكيرنا كده.

أما منصور عبدالفتاح، طول عمرنا واحنا في كفر الشيخ، وشايفين المحافظة من أفضل المحافظات، بس حد يفتكرنا بس ،هو علشان احنا من الأرياف، خلاص علي الدنيا السلامه، بصوا لينا، اهتموا بينا، وإن شاء الله هانكون من احسن المحافظات.