قال المهندس كامل الوزير وزير النقل، إن سبب زيارته لمحطة مصر، للمرة الثانية، هو متابعة تنفيذ تعليماته خلال زيارته الأولى.

وأضاف في تصريح لكاميرا برنامج "مساء dmc"، على هامش جولته في محطة مصر: "كان لازم أشوف محطة مصر للمرة التانية أو التالتة علشان أشوف اللي انا قولته للمرة التانية والتالتة اتنفذ ولا متنفذش".

وتابع: "الحمد لله، لقيت الناس بتستجيب وبتنفذ، والنضافة بدأت تظهر والالتزام في مواعيد قيام القطارات بدأت تظهر، حتى الحاجات البسيطة من فتح نفق الرابط بين كل الأرصفة اتفتح واتنور وبقا يليق بالركاب، ومحطة مصر والعربيات الجولف كار اللي شفتها واقفة مش شغالة اشتغلت والحمد لله بتخدم كل كبار السن سواء اللي داخلين المحطة أو اللي بيتنقلوا على الأرصفة".

وأوضح الوزير أنه فوجئ بوجود "مول" كبير داخل محطة مصر، ولكنه مغلق وغير مستغل، وهناك بعض المشكلات مع محافظة القاهرة بخصوص المول، وجرى حلها، وسيتم طرح محلات المول للانتفاع والإيجار للاستفادة منها.