عاجل

  • الرئيسية
  • محافظات
  • مواجهة ساخنة| الشاب: محدش عمل حاجه يا فندم..ومحافظ المنوفية: هخليه يجيب دم

مواجهة ساخنة| الشاب: محدش عمل حاجه يا فندم..ومحافظ المنوفية: هخليه يجيب دم

أرشيفية

"حضرتك قولتلي قبل كدا لو الموظف بتاعي منفذش كلامي هخليهولك يجيب دم" ..هكذا عبر أحد شباب قرية منشأة سلطان عن غضبه من عدم تنفيذ، المسئولين لتعليمان اللواء سعيد عباس محافظ المنوفية.

واستطرد  الشاب "حسام محمود" في حديثه مع المحافظ: " بس هقولك حاجه يا فندم واسمحلي، معلش يعني.. محدش عمل حاجه ومشفوتش دم"، ليأتي رد المحافظ فوراً: " يا رجب - رئيس منوف-  بيقولى انت قولتيلي لو رجالتك منفذوش الكلام هخليهم يجيبوا دم، تعرفه ده شوفته قبل كدا".

ورد رئيس منوف: " لا يافندم - علامات القلق والاستغراب تظهر علي وجهه- "، فقاطعه الشاب: " أنا اللي جيتلك وقولتليى مش تبعنا وروح المحافظه"، تدخل حينها المحافظ، موجهاً حديثه للشاب: " اقولك بقا أنا اللي مسمعشي كلامي خليته جاب دم ازاي؟! أنا شيلت روؤساء مجالس مدن ، وهتشوف طلبك لو مخلصش أنا هخلي الدم يوصل فين"، فابتسم حسام" عاوز الدم يطرطش عليا يا فندم"

جاء ذلك خلال زيارة تفقدية للمحافظ اللواء سعيد محمد محمد عباس محافظ المنوفية، لقرية منشأة سلطان بمركز منوف، لمتابعة معهد التمريض بالقرية والمستشفي الجامعي.